اسرائیل حماس نا کمانڈر احمد البطش ءِ شہید کرے

غزہ، اسرائیلی فوج دعویٰ کرینے کہ غزہ ٹی اسہ کارروائی اسے نا وخت آ حماس نا پنچ باسک، ہرافتیٹی تنظیم نا اسہ عسکری کمانڈر اس ہم اوار ءِ، کسفنگانو، حماس ہم دادے پک کرینے۔ ٹائمز آف اسرائیل نا رِد اٹ اسرائیلی فوج پارینے کہ اونا فورس و اسرائیل نا داخلی سیکورٹی ایجنسی شین بیت ساڑی ہفتہ غاتیٹی غزہ نا پٹی ٹی تینا دہشت گردی تور کارروائی تیٹی ترندی ایسنے۔ حماس نا ہرا کمانڈر ءِ شست کننگ نا اسرائیلی دعویٰ کرینے او احمد البطش ءِ، ہرا ابو اسامہ نا پن اٹ ہم پنی ئس۔ حماس نا خبر رساں حوالی ہم اونا شہادت ءِ پک کرینے۔ پاسدارانِ انقلاب نا خڑک پاننگوک ایرانی خبر رساں ایجنسی فارس رپورٹ کرے کہ احمد البطش عزالدین القسام بریگیڈز نا کمانڈر آتیٹی اوار ئس و اسرائیلی فضائی جلہو اٹی شہید مس۔