پنجگور، شہید ستار کرکٹ کلب شاہوکہنن نا بنائی دود

پنجگور اٹی شہید ستار کرکٹ کلب شاہوکہنن نا بنائی دود اڈ تننگا‘ ہرانا باقاعدہ بناءِ کمانڈنٹ ایف سی رائفلز پنجگور میجر جنرل ظفر اقبال کرے۔ دا وخت آ کمانڈنٹ پنجگور رائفلز بریگیڈیئر نادر محی الدین ہم ساڑی ئس۔ دود اٹی ورنا گوازی گر تیکن گوازی تا آسراتی تا فراوانی و پنجگور اٹی کرکٹ نا گوازی ءِ مونی دننگ کن ایف سی نا کنڈ آن شہید ستار کرکٹ کلب شاہوکہنن نا ٹیم ءِ پریکٹس کن اسہ پوسکن ءُ نیٹ پچ اس فراوان کننگا۔ دا گچین آ آسراتی ءِ ضلعی صدر آصف نا ٹیم انا ورنا گوازی گر تا است بڈی کن تننگا، ہراڑان گوازی گرک بھاز خوش مسر۔ ٹیم انا سینئر گوازی گرک کمانڈنٹ ایف سی رائفلز پنجگور میجر جنرل ظفر اقبال و کمانڈنٹ پنجگور رائفلز بریگیڈیئر نادر محی الدین نا منتواری ءِ ہرفیر۔ گوازی گرک پاریر کہ پنجگور نا ورناتے خراب انگا عادت آتیان بچفنگ کن مثبت گوازی تا کنڈ آ دننگ و اوفتا لائخی تے پیدوار کننگ نا وارخواہی فراوان کننگ کن ستاکڑزوک گام اسے۔ پنجگور (نامہ نگار)