بسیمہ، پاک فوج نا 328 بریگیڈ نا کمانڈر مسعود نا کنڈ آن آئی ٹی سینٹر نا بنا
Get real time updates directly on you device, subscribe now.
بسیمہ ٹی پاک فوج نا 328 بریگیڈ نا کمانڈر حسین مسعود علاقہ ٹی اولیکو و پوسکنوڑ آئی ٹی سینٹر (IT Center) نا باقاعدہ بنا ءِ کرے۔ دود آن تران کرسا ایریا کمانڈر کرنل سالار پارے کہ آئی ٹی سینٹر نا جوڑ کننگ السی و تعلیمی چاگڑد اٹی ورنا تا لائخی تے مونی دننگ کن اسہ اہم ءُ کسر اسے۔ نن دنیا نا پوسکن آ چیلنج آتے مون آتخسا دا پوسکنوڑ ہند ءِ جوڑ کرین ہراڑے طالب علم آتے کمپیوٹر ٹیکنالوجی و انفارمیشن ٹیکنالوجی تون تعلقدار چندی علم آتے ہیل تننگ و فنی لائخی تے گچین کننگ نا پورو وارخواہی رسینگک۔ دا وخت آ تران کرسا ہندی الس و راج انا جتا جتا بشخ آتیان تعلقدار شرفمند آک پاریر کہ ساڑی دور ٹیکنالوجی، ڈیجیٹل تعلیم و اے آئی نا دور ءِ‘ دا حالیت آتے ٹی بسیمہ نا مر انگا علاقہ غاتیٹی پوسکنوڑ آئی ٹی سینٹر جوڑ مننگ ورنا چین اکن بھاز اہم ءُ گام اسے۔ دا ہندا نا کمک اٹ ورنا طالب علم آتے اے آئی‘ مائیکروسافٹ آفس (MS Office)، کمپیوٹر آپریٹنگ، ڈیجیٹل اسکلز و کمپیوٹر نا ایلو پوسکن آ علم و چاہنداری تے ہیل کننگ کیرہ۔ بسیمہ (نامہ نگار)