ڈپٹی کمشنر دکی نا پارت آ اسسٹنٹ کمشنر تھل چوٹیالی نا ڈی ایچ کیو ہسپتال نا دورہ
Get real time updates directly on you device, subscribe now.
دکی، ڈپٹی کمشنر دکی فضل الرحمن کبدانی نا پارت آ اسسٹنٹ کمشنر تھل چوٹیالی عبدالسلام شاہوانی ڈسٹرکٹ ہیڈکوارٹر (DHQ) ہسپتال دکی نا دورہ ءِ کرے۔ دورہ نا وخت آ اسسٹنٹ کمشنر ہسپتال نا جتا جتا بشخ آتا دورہ ءِ کرے و الس ءِ تننگوک طبی و انتظامی آسراتی تا جاچ ءِ ہلک۔ اسسٹنٹ کمشنر ملازم آتا حاضری، ہسپتال نا سفائی‘ انتظامی باندات و داخل ناجوڑ آتے دوئی مروک آسراتی تا ہم جاچ ءِ ہلک‘ دا وخت آ او درمان مفروک ناجوڑ آتتون تینٹ اوڑدہی کرسا اوفتا جانپڑسی ءِ کرے۔ ہسپتال اٹی دوئی طبی آسراتی، دارو و ایلو المی باندات آتا بابت معلومداری دوئی کرے۔ اسسٹنٹ کمشنر ہسپتال انتظامیہ ءِ سفائی نا آب ءِ پین گچین کننگ، ملازم آتا وخت آ حاضری ءِ پک کننگ و ناجوڑ آتے جوان و وخت آ طبی آسراتی تا فراوانی نا پارت کرے۔