ڈپٹی کمشنر کوئٹہ تون یو این ڈی پی نا ڈل انا اہم اوڑدہی
Get real time updates directly on you device, subscribe now.
کوئٹہ، ڈپٹی کمشنر کوئٹہ مہراللہ بادینی تون یونائیٹڈ نیشنز ڈویلپمنٹ پروگرام (UNDP) نا نمائندہ ڈل اوڑدہی کرے۔ ہراٹی تعلقدار پراجیکٹ نا افسر و ایلوتعلقدار کمامدار آک ساڑی ئسر۔ دیوان نا وخت آ یو این ڈی پی نا نمائندہ غاک برجا پراجیکٹ و اونا جتا سرجز نا بابت ڈپٹی کمشنر ءِ جم بریفنگ تسر۔ یو این ڈی پی نا نمائندہ غاک ڈٹ انا رد اٹ ضلعی انتظامیہ کوئٹہ نا کمک ناستاءِ کرسا پاریر کہ انتظامیہ نا کنڈ آن فراوان کروک کمک ستا کڑزک، و آخبت اٹی ہم ڈٹ انا سرسہب پوروی کن ضلعی انتظامیہ نا کمک اٹ کاریم پدریسہ برجا تخنگک۔ ڈپٹی کمشنر کوئٹہ مہراللہ بادینی پارے کہ ضلعی انتظامیہ السی آسودہی نا ڈٹ آتیٹی ہر وڑ انا کمک کیک و تعلقدار ادارہ غاتتون حوال و ہم گرنچی ءِ برجا تخنگک۔