پوسکنوڑ پولیسنگ آن لس شاری تے ریلیف رسینگک، آئی جی پولیس

انسپکٹر جنرل آف پولیس بلوچستان محمد طاہر پارینے کہ پوسکنوڑ پولیسنگ آ عملدرآمد کرسا لس شاری تے دمدستی ریلیف فراوان کننگ مریک۔ پولیس نا مثبت دروشم ءِ سوگو کرسا الس اٹی رکھانا احساسِ نا چاگڑد ءِ پین جوان کننگے۔ دا خیال آتا درشانی ءِ او سینٹرل پولیس آفس اٹی بلوچستان پبلک سروس کمیشن آن دراست پوسکن تقرر مروک ڈپٹی سپرنٹنڈنٹ آف پولیس (ڈی ایس پی) نا اڈ ہلوک دراستی راستی دیوان آن تران کرسا کرے۔ آئی جی پولیس پارے کہ شیفکو کارندہ غاتا کہول آ گچین کارکڑد نشان تننگ سپروائزری افسر آتا زمواری ءِ۔ او پارت کرے کہ افسر آک تینا کمانڈنگ کڑد ءِ پین بھرمی وڑ اٹ سر ایتر تو لس شاری ءِ انصاف نا فراوانی وخت آ مریک و اوفتا غاو تا ایسری ہم مننگ کیک۔