ضلع نصیر آباد اٹی 11 پوسکن ءُ استاد نا تقرری نا آرڈر تننگا
Get real time updates directly on you device, subscribe now.
وزیراعلیٰ بلوچستان میر سرفراز بگٹی نا وژن و چیف سیکرٹری بلوچستان شکیل قادر خان نا پرمان نارد اٹ ضلع نصیر آباد آن جہالت نا تہاری نا چٹفنگ و تعلیم نا شون اکن کمشنر نصیر آباد ڈویژن صلاح الدین نورزئی نا عملی گام گیج آتا ریسہ برجا ءِ۔ فیز تھری نا رِد اٹ بند اسکول آتے فعال کننگ کن ضلع نصیرآباد اٹی پوسکن آ 11 میل و فی میل استاد آتے تقرری نا آرڈر تننگا۔دا وخت آ ڈپٹی کمشنر نصیر آباد وریندر لعل، ایس ایس پی اسد ناصر، ڈویژنل ڈائریکٹر اسکول عبدالواسع کاکڑ، ڈی ای او نصیر آباد حفیظ اللہ کھوسہ ہم اومیتدار آتے ٹی آرڈر بشخار۔ کمشنر صلاح الدین نورزئی پارے کہ ہرا استاد آتے تعیناتی نا آرڈر تننگانے، اوفتیا بھلو زمواری اس مریک کہ او ضلع نصیر آباد آن جہالت نا تارمئی تے چٹفنگ کن تینا کڑد ءِ ادا کیر۔