راج انا پدتموک آ تپہ غاتے واکدار کننگ اُن سیف اللہ کھیتران

ڈائریکٹر جنرل (ڈی جی) سوشل ویلفیئر بلوچستان سیف اللہ خان کھیتران پارینے کہ حکومت بلوچستان راج انا کل آن محروم، نزور و غریب تپہ غاتا آسودہی‘ راجی رکھ و اوفتے واکدار کننگ کن پبی گام گیج کننگ اٹی ءِ۔ ساڑی صوبائی حکومت دا عزم انا درشانی ءِ کرینے کہ نیم جان بندغ، زالبول، چوری آ چنا، پیر انگا شاری و ایلو حقدار بندغ آتے بریبر وارخواہی و گچین راجی خذمت آتا فراوانی پک کننگے تانکہ او راج اٹی باوقار ءُ زند اس گدریفنگ کیر۔ دا خیال آتا درشانی ءِ او راجی تنظیم آتا ڈل اتون ہیت و گپ کرسا کرے۔ ڈی جی سوشل ویلفیئر پارے کہ محکمہ ءِ پوسکنوڑ خواست آتتون ہمگرنچ کننگ‘ ادارہ ئی واکداری و کاریمی واکداری کچ اٹ ودکی و الس ءِ بھرمی خذمت فراوان کننگ کن جامع اصلاحات درستی راستی کرفنگ انگ ءِ۔ محکمہ نا کل فلاحی اسکیم تے شفاف و میرٹ نا بنداو آ مستی دننگ انگ ءِ تانکہ اصل حقدار آتسکان حکومتی آسراتیک وخت آ سر مننگ کیر۔