جرگہ، گوربا غا سلوک دہشت

کے پی کے ٹی کالعدم ٹی ٹی پی نا ساڑی گری و آپریشن نا ہیت آتیان پد اسہ وار ولدا اسہ بھلو شرہ اس بنا کرینے، و کل آن بھلا پروپیگنڈہ دا کننگ انگ ءِ کہ کے پی کے ٹی مدام آپریشن آک کننگرہ، و امن انتئے بفک؟ دانا کیہی ورندیک اریر، و دا ہیت آتا ورندی کن بھاز آ راستی تے ہُروئی تمک، و پہہ مروئی تمک، گڑا نن دا ویل انا اصل بن و بنداو آ سر مرینہ۔ دا نیام اٹ بیرہ ٹی ٹی پی نیام اٹ بفک، بلکن اوڑتون کمکار بیانیہ غاک ہم نیام اٹ بریرہ، ہرا امن نا کوشست آتے لتاڑ کیرہ۔ ببو کہ دا راستی تے ہُننگ و پہہ مننگ نا کوشست آتے کینہ، ہرانا رد اٹ ٹی ٹی پی تون کمکار مروک آ بیانیہ پی ٹی ایم نا دروشم اٹ مونی بریک۔ ہیت دادے کہ پاکستان نا ادارہ غاک امن کن مدام کوشست کرسا ہنانو، ولے ٹی ٹی پی و ونا درملکی آقا تا است خواہی دادے کہ قبائلی علاقہ غاتے جنگ انا میدان جوڑ کننگے۔ جرگہ شرفدار و واضح ءُ کسر اس پیش کرے، جرگہ شاری تے بچفنگ کن ٹی ٹی پی آن خواست کرے کہ خلق آتے الیبو، و ہندی مخلوق ءِ سم کاری نا دَک آن بچفبو، ولے طالبان تا ورندی اسہ پین دروشم اسے ٹی مونی بس۔ جرگہ طالبان تیان خواست کرے کہ شاری تے نسخان رسیفنگپ، ولے ورندی ٹی دروغ نا سفارتکاری ٹی پیڑوک ضد مونی بس، و پی ٹی ایم الس نا کنڈ آن متو، بلکن تینا مون ءِ چَپ شاغا۔

ولے ٹی ٹی پی نا کنڈ آن سمجھوتہ نا جاگہ غا ہڑدڑ ءِ اولیت تننگانے، دا نیام اٹ کہ امن نا ہیت آک مسرہ تو پی ٹی ایم ہرانگ ئس؟ طالبان تے رکھوک کسر تننگا، کہ اوفک پاکستان آ کار یا شاری آبادی آن پیش تمر، و ولدا مون پہ مون مرین۔ ولے اوفک اشتعال نا کسر ءِ دوئی کریر، گڑا اوفک در ملکی فنڈنگ آن ردوک آ ضد انا سیبو ءِ ہلکر۔ و دا نیام اٹ ولدا پی ٹی ایم چُپی نا کسر ءِ ہرفے۔ امن مذاکرات اٹی ٹی ٹی پی نا پدی ہننگ آن انکار آن پد ہیت آک نیام کسر آ سلیسر۔ 48 گھنٹہ ٹی اِرا ڈرون جلہو مسر۔ اسہ وار ولدا پی ٹی ایم دہشتگرد آتا مذمت ءِ کتو، بلکن ریاست آ دوبہ خلک۔ یات سلے کہ 2 اگست نا دے سر بند، لکی مروت اٹ مروک ڈرون جلہو آتیٹی اِرا کودک ءُ چنا شہید مسر، 3 اگست آ بنوں آ اسہ وار ولدا جلہو کننگا، ہراٹی اِرا پولیس کارندہ ٹھپی مسر۔ ٹی ٹی پی ہر معاہدہ نا خلاف ورزی ءِ کرسا ہنا، ہرانا او اشارہ ترسا کریکہ۔ مذاکرات بیرہ وخت انا زیان انا چم بازی اس جوڑ کننگا۔ ولدا ہم پی ٹی ایم، ہرا تینے دہشت گردی نا مخالف پاہک، اوفتا برخلاف اسہ لوز اس ہم پاتو۔

پی ٹی ایم دعویٰ کیک کہ او امن نا علمبردار ءِ، ولے دہشت گرد آک ہرا شاری تا اُرا تیا کوزہ کرینو، اوفتا مذمت ءِ کننگ نا جیرت کننگ کپک۔ دا چپی دا ہیت ءِ پاش کیک کہ اونا وفاداریک ہراڑکنو، پک ءِ کہ الس تون افس، بلکن ہمو بیانیہ تتون ءِ ہرا ریاست ءِ نزور کیرہ

ٹی ٹی پی نا دہشت گرد آک کے پی کے ٹی وار وار ٹارگٹ کلنگ و بمب دھماکہ نا کمک اٹ کودک آ شاری تے شہید کیرہ۔ دا دہشتگرد آک گیشتری ورندی کارروائی آن بچنگ کن چنا و لس شاری آبادی تے انسانی اسپر نا وڑ اٹ کاریم اٹ اتیرہ۔ہراتم پاک فوج دا گڑتی تے چٹفنگ کن انٹیلیجنس بیسڈ آپریشنز (IBOs) اس کیک تو پی ٹی ایم پاش آن پاش فوج انا مخالف بیانیہ ءِ دوئی کیک۔ پی ٹی ایم ہموتم چپ کیک، ہراتم شاریک دہشت گرد آتیان خلنگرہ، ولے ہراتم دہشت گرد آک خلنگرہ تو او وار تون فعال مریک۔ دا دو رغئی قومی انسدادِ دہشتگردی نا کوشست آتے نزور کیک و الس ءِ بے کسر کیک۔

ولے دا ہیت پیدوار ءِ کہ پاکستان نا دشمن ہرا جسمانی و بیانیاتی ہڑتوم آ جنگ آتے کننگ ءِ اوفتے بے سہب کننگ کن قومی یکجہتی و اخلاقی وضاحت المی ءِ۔ پاکستان نا عزم سوگو ءِ، مکالمہ پیش کننگ انگ ءِ ولے قومی سلامتی آ ہچ ءُ سمجھوتہ اس مفک۔ باجوڑ و قبائلی علاقہ غاک ہچ ءُ پروکسی یا مصنوعی جنگ اسے نا دوٹی تننگپسہ۔