نور ولی خارجی نا بھارت تون سیوت نا پڑو

بھارت بے شرفی آ با تننگ آن پد ہڑی آ کچک آنبار داڑے ایڑے سرہ خلنگ ءِ۔ دا حالیت اٹ ہمو کل نزور آ بندغ آک ہرافک غدار ءُ، اوفک تینا مسلمان ایلم تا برخلاف دا بندغ آتتون سیوت کننگ ءِ۔ ہرا مسلمان تا قتال اٹ اسرائیل نا سیوتی و اعلانیہ مسلمان تا خونی ءُ۔ مسلمان ریاست اسے نا برخلاف قتال کن بش مننگ تو ایہن ہم بغاوت اسے، و اگہ داٹی مسلمان تے کسفوک آتے کن کافر آتیان کمک ہلنگے تو ہندا نشانی خوارج و باغی نا یئِ۔
اصل اٹ دا سیوت یہودیت ہندوتوا نا ہمو ایجنڈا نا بشخ اسے ہراٹی فلسطین ءِ اسُل چٹفنگ و کشمیری و مسلمان تا ہندوستان آن چٹفنگ نا ٹِک آ امنا ءِ۔ نور ولی خارجی داسہ بھارت تون اوار مرسا کشمیری، فلسطینی و پاکستانی مسلمان تا برخلاف کاریم اٹ بریک۔ و پاش وڑ اٹ کلمہ خوانک، و کلمہ خوانوک آتے کسفک۔
فتنہ الخوارج و جتائی خواہوک آ ٹولی بے گناہ شاری تے شست کیک، ہرا اسلامی اصول آتیان اسُل چَپ ءِ، ہرا انسان تا جان نا حرمت ءِ رکھ ایتک۔ اسلام اٹی غیر جنگجو تا کسفنگ آ رکھ ءِ، ولے فتنہ الخوارج و جتائی خواہوک ٹولی تینا سیاسی مسخت کن بے گناہ شاری تا جان تے خطرہ ٹی شاغانے۔ ہراڑان او دا مقدس اصول آن انحراف کننگ ءِ۔
فتنہ الخوارج و جتائی خواہوک ٹولی اقتدار نا لالچ اٹ جہاد و قوم پرستی نا اصول ءِ مسخ کننگ ءِ۔ اسلام اٹی قیادت نا حقی آ مسخت انصاف و ہمدردی ءِ، ولے دا اقدام آک دا اصول آتے تشدد و زوراکی کن استعمال کیرہ۔ ہراڑان او اسلام نا اصل روح آن منحرف مننگ ءُ۔ فتنہ الخوارج و جتائی خواہوک ٹولی نا تہہ انا جھیڑہ ہرا طاقت نا بے پناہ خواہس نا سوب آن ءِ، پین تقسیم و خونریزی نا سوب جوڑ مسنے۔ دا ٹولی نا جنگ نئے بیرہ اسلامی سیوت نا اصول آتا مخالف ءِ، بلکن دا بے گناہ شاری تے کن تباہی نا سوب مننگ ءِ۔ فتنہ الخوارج و جتائی خواہوک ٹولی تا تشویشناک گام گیج آک دن کہ بیگناہ شاری تے خلنگ، اسلامی اخلاقیات نا پاش خلاف ورزی ءِ، دا ظلم فتنہ نا بدترین آ مثال ءِ، ہرا اسلام نا امن، انصاف و معاشرتی ہم آہنگی نا اصول آتا خلاف ءِ، فتنہ الخوارج و جتائی خواہوک آتا گام گیج آتا بے پناہ طاقت نا خواہش ءِ پاش کیک، اسلام دا ہیت انا سختی اٹ مذمت ءِ کیک کہ کس ہم جند انا فائدہ کن فساد و انتشار تالان کپ، ولے دا ٹولی ولدا ہم تینا سیاسی مسخت نا دوئی کننگ کن دا کسر آ ہننگ ءُ۔ فتنہ الخوارج و جتائی خواہوک آتا نیام اٹ جاری چک و تاڑ، ہرا ہڑتوم آتا طاقت نا لالچ نا پد ءِ، اصل اٹ اسہ جائز ءُ جہد اسے نا جاگہ غا اسہ سٹی ءُ سیاسی جنگ اسے۔اسلامی تعلیمات نا رد اٹ دا ٹولی سیوت نا جاگہ غا پین تقسیم پیدا کننگ ءِ، ہرا کہ اوفتا فائدہ غاتے کن ءِ۔
داسہ ریاست ءِ و ریاست نا کل طبقہ غاتے، کل جماعت و نظریہ غاتے اسٹ مسا کاریم کروئی تمک، تاکہ بیرہ پاکستان آخا تینا نبیؐ نا پن ہلوک اللہ ءِ منوک آ فلسطینی تا حفاظت نا زمواری ءِ ہرفنگ کیر و آخرت اٹ سرخر مننگ کیر۔ یات سلے کہ اگہ نن آخری درجہ غا بسن تو تینا واری آ نن تون کس سلوک مفک۔ اللہ ہم ہموفتا کمک ءِ کپک ہرافک تینا جوانی و مسلمان تا کمک ءِ ایمان نا بشخ اس سمجھپسہ۔ خن تے تر کننگ آن حالیت بدل مفک۔ ننے مسلمان تا اخلاقی آخا، مالی و جانی حفاظت کن ہم کردار ادا کروئی تمک، آخا تو ہرا وڑ غزہ ٹی قتال جاری ءِ، کشمیر اٹی جاری ءِ، مسلم امہ چپ ءِ، و ٹرمپ ءِ ارب آ ڈالر آتا کاروباری معاہدہ غاک تننگ انگ ءُ، تو دا کل نم مسلمان تا خلاف استعمال مریرہ۔ ہوش کننگ نا وخت ءِ، عالم اسلام ءِ سما کروئی تمک، آخا تو قدرت تو فیصلہ فطرت نا مطابق کیک، دا قتال آن بچنگ و بچفنگ نا وخت ءِ۔