جامعہ تربت نا طالب علم آتا ٹیچنگ ہسپتال تربت نا مائیکرو بائیولوجی لیبارٹری نا دورہ
تربت، جامعہ تربت نا شعبہ نیچرل اینڈ بیسک سائنسز نا بی ایس بائیوکیمسٹری و بی ایس بایوٹیکنالوجی نا طالب علم آک فیکلٹی باسک مہناز و جیند بلوچ نا کماشی ٹی ٹیچنگ ہسپتال تربت نا مائیکرو بائیولوجی لیبارٹری نا دورہ ءِ کریر۔ دا دورہ نا مسخت طالب علم آتے کلینیکل مائیکرو بائیولوجی نا وڑ و ڈول و ناجوڑی تا تشخیص نا تکنیک اتیاں درستی راستی کرفنگ ئس، تاکہ علم اتون اوار طالب علم آک لیبارٹری نا عملی کاریم آن ہم واقف مننگ کیر۔ دا وخت آ مکران میڈیکل کالج نا فیکلٹی باسک ڈاکٹر اسماء بلوچ طالب علم آتے ٹیکنیکی بریفنگ تس۔ جامعہ تربت نا ترجمان نا رِد اٹ یونیورسٹی انتظامیہ دورہ ٹی کمکاری کن ہسپتال نا انتظامیہ نا منت ءِ ہرفے۔