بلوچستان اٹی دہشتگرد آتیکن ہچ ءُ رکھوک ءُ ہنکین اس سلپک۔میر سرفراز بگٹی

0

Get real time updates directly on you device, subscribe now.

کوئٹہ، وزیراعلیٰ بلوچستان میر سرفراز بگٹی پارینے کہ بلوچستان اٹی امن و سوگوی نا برخلاف کاریم کروک دہشتگرد آتیکن داسہ ہچ ءُ رکھوک ءُ ہنکین اس سلپک‘ ریاست تینا مچ آ واک و بھرمی حکمت عملی اٹ دہشت گردی نا ناچوڑ نا چٹفنگ ءِ پک کیک‘ او کولپور نا علاقہ ٹی سیکورٹی فورس آتا کارروائی ٹی بھارتی کاٹم خواجہی ٹی کاریم کروک فتنہ الہندوستان نا ہشت دہشت گرد آتا کسفنگ ءِ دہشت گردی نا برخلاف جنگ اٹی اہم ءُ سرسہبی اس گوندانے‘ وزیراعلیٰ پارے کہ بلوچستان نا ڈغار آ بے امنی تالان کننگ، شاری تے بھیم اٹ شاغنگ و قومی شاہراہ تیا زند انا ہن وبر ءِ زہمی کننگ نا کوشست آتے ءِ سرسہب مننگ کن النگپک؛ کولپور، کردگاپ و نوشکے تون اوار ایلو علاقہ غاتیٹی برجا انٹیلی جنس بیسڈ آپریشن و کوئٹہ تفتان قومی شاہراہ غا سیکورٹی گام گیج دا ہیت انا شاہدی ءُ کہ الس نا رکھ و آجو ہن وبر ءِ پک کننگ کن ریاستی ادارہ غاک پورو وڑ اٹ متحرک ءُ۔

Get real time updates directly on you device, subscribe now.

Leave A Reply

Your email address will not be published.