اسسٹنٹ کمشنر اوستامحمد ماریہ شمعون نا سول ڈسپنسری رستم خان جمالی نا دورہ
اوستامحمد، ڈپٹی کمشنر اوستامحمد محمد رمضان پلال نا خصوصی پارت آ اسسٹنٹ کمشنر اوستامحمد ماریہ شمعون سول ڈسپنسری رستم خان جمالی نا دورہ ءِ کرے، ہراڑے او ڈسپنسری ٹی فراوان کروک طبی آسراتی، کارندہ غاتا حاضری، ناجوڑ آتے طبی کمک نا فراوانی و المی دارو تا دوئی مننگ تون اوار ایلو انتظامی باندات آتا جم جاچ ءِ ہلک۔ دورہ ناوخت آ اسسٹنٹ کمشنر حاضری رجسٹر ءِ چیک کرے، ہرانا رِد اٹ اِرا نیاڑی وار سرونٹس و اسٹاف ممبر فوزیہ ڈیوٹی آن غیر حاضر ئسر وخت اس کہ انچارج ڈسپنسر عبدالرؤف و لیڈی ویکسینیٹر تینا زمواری تے سر تننگ کن ساڑی ئسر۔ اسسٹنٹ کمشنر غیر حاضر ملازم آتا نوٹس ءِ ہلسا انچارج ڈسپنسر ءِ پارت کرے کہ کل ملازم آتا وخت آ حاضری و ڈیوٹی آ ساڑی مننگ ءِ امر کہ مرے پک کننگے۔