الیکشن کمیشن میئر خضدار نا نتیجہ ءِ تورے
Get real time updates directly on you device, subscribe now.
خضدار: الیکشن کمیشن آف پاکستان میئر خضدار نا نتیجہ ءِ تورے۔ یات سلے کہ میئر خضدار کن 9 فروری آ ہرا گچین کاریک مسر اوفتے ٹی نیشنل پارٹی نا میر عبدالرحیم کرد و پی پی پی نا آصف جمالدینی وخت اس کہ ڈپٹی میئر کن جمعیت علماء اسلام نا مولوی عنایت اللہ و پی پی نا جمیل اومیتدار ئس۔ ریٹرننگ آفیسر میئر کن نیشنل پارٹی نا اومیتدار عبدالرحیم کرد انا 35 آن 21 و ڈپٹی میئر کن مولوی عنایت اللہ نا 36 آن 21 وونٹ خراب گونداسس‘ہرانا برخلاف عبدالرحیم کرد و مولوی عنایت اللہ الیکشن کمیشن آف پاکستان اٹ رٹ پٹیشن دائر کریر ہرا منظور مس و اونا باقاعدہ سماعت مس۔ الیکشن کمیشن آف پاکستان نا بینچ اٹ سندھ پنجاب و خیبر پختونخو نا باسک آک اوار ئسر وخت اس کہ نیشنل پارٹی نا اومیتدار میر عبدالرحیم کرد و جمعیت علماء اسلام نا اومیتدار مولوی عنایت اللہ ناکنڈآن سپریم کورٹ آف پاکستان نا سینئر وکیل غلام محی الدین ساسولی ایڈوکیٹ و نجم الدین مینگل ایڈوکیٹ پیش مرسا دلیل تسر۔ الیکشن کمیشن آف پاکستان نا مسہ باسکی بنچ وکیل آتا دلیل تے خف توننگ آن پد میئر و ڈپٹی میئر خضدار نا نتیجہ غاتے تورسا درخواست ءِ باقاعدہ سماعت کن منظور کرسا پڑک آتے نوٹس جاری کرے‘ مستی سماعت نا تاریخ ءِ یکم مارچ پک کننگانے۔
(آن لائن)