پاکستان و برطانیہ نا واپار و زرکاری کمکاری ءِ پین ودفنگ آ امنا

اسلام آباد، پاکستان و برطانیہ تین پہ تینی واپار، زرکاری و زرگزرانی کمکاری ءِ پین ودفنگ برطانوی زرکاری نا شون تننگ و پاکستانی مصنوعات آتا جہانی منڈی تسکان رسینگ ءِ گچین جوڑ کننگ آ امنا کرینو۔ ہڑتوم آ ملک آک آخبت نا ٹریڈ ڈائیلاگ ءِ عملی و پبی بھرم آتیا سر کننگ نا ارادگی نا درشانی ءِ کرسا جانجوڑی، آئی ٹی، کشت و کشار، لائیو اسٹاک، مالیاتی خذمت، ایوی ایشن و معدنیات تون اوار چندی بشخ آتیٹی کمکاری ءِ ودفنگ آ ہم گپ و تران کریر۔ دا امنا بنجائی واپار وزیرِ جام کمال خان و برطانوی ہائی کمشنر جین میریٹ نا نیام اٹی اوڑدہی ٹی مس۔ اوڑدہی اٹی واپار سیکرٹری جواد پال و وزارتِ واپار نا سینئر کمامدار آک ہم ساڑی ئسر۔ اوڑدہی نا وخت آ برطانیہ نا کنڈ آن پاکستان تون مریس مدی زرکاری شریداری نا فریم ورک آ ہم ہیت و گپ مس۔