خیبرپختونخوا ٹی دہشت گردی ولدا کاٹم ہرفنگ ءِ، بلال اظہر کیانی

اسلام آباد، وزیرِ مملکت خزانہ بلال اظہر کیانی پارینے کہ خیبرپختونخوا اٹی دہشت گردی نا حالیت کل انا مون آٹے، ہرانا باریم الس آ تمنگ ءِ۔ دہشت گردی نا برخلاف جنگ اٹی پولیس و ایلو ادارہ غاتے درکار فنڈ و سلہہ صوبائی حکومت فراوان کننگ کن تیار اف تو اونا نیت آ سوج چست مریک۔ اسلام آباد اٹی پریس کانفرنس آن تران کرسا بلال اظہر کیانی پارے کہ خیبرپختونخوا پولیس دے و نن دہشت گردی نا برخلاف جنگ اٹی قربانی تننگ اٹی ءِ۔ اینو کرک اٹی ہم اسہ ایس ایچ او و کانسٹیبل اسے بیدردی اٹ شہید کننگا۔ او خیبرپختونخوا حکومت ءِ شیف خلسا پارے کہ صوبائی حکومت نا نابودی نا رند ءِ الس ءِ سگوئی تمک۔ اونا پاننگ ئس کہ اگہ صوبائی حکومت دہشت گردی نا برخلاف جنگ اٹی پولیس و ایلو ادارہ غاتے درکار فنڈ و سلہہ فراوان کننگ کن تیار اف تو اونا نیت آ سوج چست مریک۔