امریکی فوج ءِ ایران آ گمانی جلہو تے کن تیار سلنگ نا پرمان

واشنگٹن، امریکی فوج ءِ ایران آ گمانی جلہو تیکن تیار سلنگ نا پرمان کننگانے۔ امریکی میڈیا نا رِد اٹ پینٹاگون سینٹرل کمانڈ ءِ گمانی کارروائی کن تیاری پورو کننگ نا پارت جاری کرینے، صدر ڈونلڈ ٹرمپ جلہو آتا وخت اکن سجفنگ اٹی ءِ۔ میڈیا رپورٹ نا رِد اٹ گمانی جلہو آتیٹی ایران نا توانائی نا بشخ و بنداوی پنجر ءِ شست کننگ مننگ کیک، وخت اس کہ جوہری تنصیب آک ہم گمانی ہدف آتیٹی اوار مننگ کیرہ۔ پینٹاگون نا پاننگ ءِ کہ ایران تون تعلقدار عسکری آپشن تیار کرسا صدر ٹرمپ نا مون آ پیش کننگ کنا مشن ءِ، ایران تون تعلقدار کل آپشن آک صدر ٹرمپ کن مدام دوئی مننگ کیرہ۔ وائٹ ہاؤس دعویٰ کرینے کہ امریکہ ءِ آبنائے ہرمز آ کنٹرول نا سوب آن سوگو پوزیشن دوئی ءِ، ہڑدے کروڑ آ بیرل تیل آبنائے ہرمز آن پیشن گدریفنگ انگ اٹی ءِ۔