فرخ حبیب نا مست دزگیری ضمانت اٹی 23 فروری اسکان ودکی
لاہور : لاہور نا سیشن عدالت تحریک انصاف نا راہشون و مسکوہی وزیر مملکت حوالکاری و شینکاری فرخ حبیب نا ضمانت آن مست دزگیری ٹی 23 فروری اسکان ودکی کرسا پولیس آن جاست وپاستی رپورٹ ءِ بٹنگا۔ ایڈیشنل سیشن جج رائے نعیم کھرل فرخ حبیب نا ضمانت نا کیس انا سماعت ءِ کرے۔ عدالت درخواست گزار نا وکیل ءِ بروک آ سماعت کن گڈیکو دلیل آتے کن بٹنگا۔ فرخ حبیب نا برخلاف کارسرکار مداخلت نا دفعہ غاتا رداٹ پولیس تھانہ فیروز والا ٹی مقدمہ درج ءِ۔
(اے پی پی)