ڈویژنل ڈائریکٹر ہیلتھ سروسز رخشان ڈویژن نا بی ایچ یو کوچال مل انا دورہ
مل، ڈویژنل ڈائریکٹر ہیلتھ سروسز رخشان ڈویژن ڈاکٹر ساجدہ بلوچ بی ایچ یو کوچال مل نا دورہ ءِ کرے، بی ایچ یو نا چندی بشخ آتا جاچ ءِ ہلک، دا وخت آ او اسٹاف نا حاضری ءِ چیک کرے و ریکارڈ نا جاچ ءِ ہلک، بی ایچ یو ٹی ساڑی دارو و اوفتا فراوانی نا ہم جاچ ءِ ہلک، او پارے کہ الس ءِ جانجوڑی نا آسراتی تا فراوانی حکومت نا اولیکو اولیت ءِ، خلقی و مُر انگا علاقہ غاتیٹی جانجوڑی نا آسراتی تا فراوانی کن محکمہ جانجوڑی پبی کوشست آتیٹی لگوک ءِ، ملازم آتا غیر حاضری ہچ ءُ وڑ اسے ٹی سگنگ مفک، بڑزکو کہولی کمامدار و افسر آک وخت نا وخت ہسپتال آتا دورہ غاتے کیر، ساڑی صوبائی حکومت الس ءِ اوفتا درگہ غا جانجوڑی نا آسراتی تا فراوانی ءِ پک کننگ اٹی ءِ، دا رد اٹ ہچ ءُ وڑ اسے نا کمتی یا دیوالئی سے نا اسُل گنجائش اف، او اسٹاف ءِ پارت کرے کہ ناجوڑ آتتون وس انا کچ آ کمکاری کننگے۔ (نمائندہ تلار)