گوادر اٹی پاکستان اوورسیز ای اینڈ ٹی انسٹی ٹیوٹ جوڑ کننگ نا فیصلہ
گوادر، گوادر ءِ بندرگاہی و صنعتی شونداری نا ہند جوڑ کننگ تون اوار ہندی ورنا تے پوسکنوڑ فنی و تکنیکی تعلیم آن شُپ کننگ کن اہم ءُ پیش رفت اس مسنے، ہراڑے پاکستان اوورسیز انجینئرنگ اینڈ ٹیکنالوجی انسٹی ٹیوٹ جوڑ کننگ کن گوادر پورٹ اتھارٹی، پاک چائنا ٹیکنیکل اینڈ ووکیشنل انسٹی ٹیوٹ، جامعہ گوادر و چین نا پنی آ تعلیمی ادارہ چنگ ڈاؤ ہاربر ووکیشنل اینڈ ٹیکنیکل کالج نا نیام اٹی امنائی کاغد آ دستخط کننگانے۔ ڈٹ انا بنداوی مسخت گوادر و بلوچستان نا ورنا تے پوسکنوڑ فنی و کسبی تعلیم تون اوار جہانی آب انا تکنیکی ہیلکاری فراوان کننگ ءِ۔ سلاہ ئی ادارہ ٹی میرین انجینئرنگ، نیوی گیشن ٹیکنالوجی، میری ٹائم سیفٹی، شپ ٹیکنالوجی و بندرگاہی مشینری تون اوار اہم انگا بشخ آتیٹی خصوصی تعلیمی و ہیلکاری پروگرام درستی راستی کرفنگک۔