محمد حسیب شجاع نا کماشی ٹی بلوچستان دیہی معاونتی پروگرام نا دیوان

0

Get real time updates directly on you device, subscribe now.

لورالائی، ڈپٹی کمشنر لورالائی کیپٹن (ر) محمد حسیب شجاع نا کماشی ٹی بلوچستان خلقی کمکاری پروگرام (BRSP) نا انتظامیہ و آڈٹ ٹیم تا اہم ءُ دیوان اس اڈ ہلک، ہراٹی یونین کونسل شاہ کاریز اٹی بلوچستان خلقی کمکاری پروگرام و پاکستان تخفیفِ غربت فنڈ (PPAF) نا شریداری اٹ برجا مال تا فراوانی نا ڈٹ اٹی پاننگوک مالی بے ڈَولی تتون تعلقدار برجا جاست پاست آتا پیش رفت نا سرجم جاچ ءِ ہلنگا۔ دیوان نا وخت آ ڈٹ انا رد اٹ مال مویشی تا ہلنگ و بشخنگ، حقدار بندغ آتا گچین کاری نا وڑ ڈَول، مالی باندات، تعلقدار دستاویز و ریکارڈ نا جانچ پرتال تون اوار ڈٹ اکن چندی فنڈ انا کاریم اٹ اتنگ تون تعلقدار بندی باندات آتیا شرہ کننگا۔ آڈٹ ٹیم آک جاست پاستی تا رد اٹ داتم اسکان مروک آ پیش رفت و ریکارڈ نا جانچ پرٹال تون تعلقدار سرجم آتیان ہم معلومدارکریر، دا وخت آ ڈپٹی کمشنر کیپٹن (ر) محمد حسیب شجاع تعلقدار انتظامیہ و آڈٹ ٹیم آتے پارت کرے کہ جاست پاست آتے پورو شفافیت، بے کنڈ ہلوکی و راستکی و شاہدی تا بنداو آ مونی اتنگے۔

Get real time updates directly on you device, subscribe now.

Leave A Reply

Your email address will not be published.