دہشت گردی نا چٹفنگ و خیبر پختونخوا ٹی مدامگی امن کن سنبرینگوک اُن،فیلڈ مارشل عاصم منیر

خیبر پختونخوا ٹی بھاز خواری و قربانی اٹ دوئی کروک امن و سوگوی ءِ برجا تخنگ کن ہم تیار اُن، آرمی چیف

0

Get real time updates directly on you device, subscribe now.

اسلام آباد، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر قطبی وزیرستان نا علاقہ میران شاہ نا دورہ ءِ کرے، ہراڑے اوشہید آتا یاتگار آتیا پھل انا چادر شاغا و طن نا دفاع و سلامتی کن تینا جان تے ندر کروک پاک فوج انا شہید آتا عظیم قربانی تے خراجِ عقیدت پیش کرے۔ پاک فوج انا شعبہ تعلقات عامہ (آئی ایس پی آر) نا رِد اٹ دورہ نا وخت آ آرمی چیف ءِ علاقہ نا ساڑی سیکورٹی حالیت، انٹیلی جنس نا بنداو آ برجا آپریشن و دہشت گردی نا برخلاف پدریسہ کوشست آتا سوب آن دوئی مروک سرسہبی تے سوگو کننگ نا گام گیج آتیا جم بریفنگ تننگا۔ اودے علاقہ ٹی مدامگی امن و سوگوی ءِ پک کننگ کن کروک گام گیج آتیاں ہم معلومدار کننگا۔ داوخت آ فیلڈ مارشل سید عاصم منیر افسر و ورناتتون اوڑدہی کرے و اوفتا بھلا کسبی لائخی‘ آپریشنل تیاری و ملک انا دفاع و سلامتی کن بے ارادگی نا ستاءِ کرے۔ آئی ایس پی آر نا رِد اٹ آرمی چیف خیبرپختونخوا پولیس نا خذمت و قربانی تے ہم خراجِ تحسین پیش کرسا اودے اسہ بہادر فرنٹ لائن فورس اس گوندا‘ او دہشت گردی و فتنہ الخوارج نا برخلاف پولیس کارندہ غاتا سوگو سلنگ و قربانی تیا گمر نا درشانی ءِ کرے۔ فیلڈ مارشل عاصم منیر دا ارادگی نا دوارگی ءِ کرے کہ سیکورٹی فورس آک کانود نافذ کروک ادارہ غاتتون کمکاری نا کمک اٹ دہشت گردی نا لعنت نا فیصلہ ئی چٹفنگ و خیبرپختونخوا ٹی بھلا خواری و قربانی تیاں دوئی کروک امن و سوگوی ءِ برجا تخنگ کن سنبرینگوکءُ۔ داکان مست میران شاہ غا بننگ آ کمانڈر پشاور کور آرمی چیف و چیف آف ڈیفنس فورسز فیلڈ مارشل سید عاصم منیر ءِ بخیر کرے۔

Get real time updates directly on you device, subscribe now.

Leave A Reply

Your email address will not be published.