توانائی نا بشخ اٹی ترکی تون مریس مدی شریداری نا خواہندار اُن،نائب وزیراعظم محمد اسحاق ڈار

فعال و سوگو بلیو اکانومی کن پت انا قابل سائنسی معلومداری، کسبکار ہیومن ریسورس وچاگڑدی رکھ انا گام گیج المی ءِ

0

Get real time updates directly on you device, subscribe now.

کراچی، نائب وزیراعظم و وزیرخارجہ محمد اسحاق ڈار ترک سیسمک ریسرچ سروے جہاز ”اوروچ رئیس“ نا بننگ ءِ پاکستان و ترکیہ نا نیام اٹ متکن آ سنگتی نا بنداو آ سائنسی پٹ وپول و اسٹریٹجک کمکاری نا پوسکن آ بشخ انا بناء گوندسا پارینے کہ ترکیہ تون توانائی نا بشخ اٹی مریس مدی شریداری نا خواہندار اُن، پاکستان تون اسہ مریس کرکی پٹی اس ساڑی ءِ ہرا بے کچ اقتصادی و اسٹریٹجک اہمیت تخک و توانائی و واپار نا اہم جہانی کسر تتون گنڈوک ءِ، ننا سمندری دنگ توانائی، جہاز رانی و ماہی گیری نا بشخ آتیٹی گیشتر وارخواہی فراوان کیک، فعال و سوگو بلیو اکانومی کن پت انا قابل سائنسی معلومداری، کسبکار ہیومن ریسورس وچاگڑدی رکھ انا گام گیج المی ءِ، اسٹریٹجک اہمیت تخوک ڈٹ آک ادارہ ئی عدم رابطہ یا بے گرج تل ولنا گواچی مفسہ، وخت بسنے کہ ننا اسٹریٹجک ہم گرنچی تون ہندا کہول انا اسہ پرعزم اقتصادی شریداری ہم جوڑ مرے۔ اوداخیال آتا درشانی ءِ جمعہ نادے آ ترک سیسمک ریسرچ جہاز ”اوروچ رئیس“ نا بننگ نا وخت آ اڈ ہلوک بیابخیری دود آن تران کرساکرے۔ دود اٹی گورنر سندھ نہال ہاشمی، بنجائی وزیر پٹرولیم علی پرویز ملک، ترکیہ نا وزیر توانائی الپر سلان بیرکتار و ایلوفک بشخ ہلکر۔ اسحاق ڈار پارے کہ ترک سیسمک ریسرچ جہاز اوروچ رئیس نا پاکستان آ بننگ نا وخت آ کل اتون دانا ستاءِ کننگ کنکن خوشی نا سوب ءِ۔ داتاریخی بندرگاہ غا پاکستان و ترکیہ نا نیام اٹ متکن سنگتی نا بنداو آ سائنسی پٹ وپول و اسٹریٹجک کمکاری نا اسہ پوسکن ءُ بشخ اسے نا بناءِ کننگ ءِ۔ وزیراعظم محمد شہباز شریف، حکومت پاکستان و پاکستانی الس نا کنڈآن ای صدر جمہوریہ ترکیہ رجب طیب اردگان و تینا ایلم وزیرخارجہ ترکیہ حاقان فیدان نا پاکستان و ترکیہ نا تعلقداری تے پین سوگو جوڑ کننگ کن اوفتا جندی است خواہی و ارادگی نا منت واری ءِ ہرفوہ۔ اوترکیہ نا وزیرتوانائی و قدرتی وسیلہ نا ستاءِ کرساپارے کہ حکومت ترکیہ و ایلم ترک الس نا ہم منت واری ءِ ہرفوہ کہ او شونداری نا سفر اٹی اسہ وار ولدا پاکستان تون تفینو۔ نائب وزیراعظم پارے کہ ترک پٹرولیم نا کماش و چاہندار، و جہاز اوروچ رئیس نا کیپٹن، کارندہ و سیسمک ریسرچ ٹیم ءِ پاننگ خواوہ کہ نما تینا پت انا قابل سنگت آتے کن خاص مہرومریبت، شرف و جم وجوش اٹ ستاءِ کیک۔ اوپارے کہ پاکستان و ترکیہ نا نیام اٹ سنگتی نا رشتہ پاکستان نا جوڑ مننگ آن ہم مست انا ءِ، ہرانا روتہ غاک برصغیر نا مسلمان تا کنڈآن ترک الس تون اوفتا تاریخ و اہم دورتیٹی یکجہتی نا درشانی تون گنڈوک ءِ۔

Get real time updates directly on you device, subscribe now.

Leave A Reply

Your email address will not be published.