حوالکاری سیکرٹری بلوچستان عمران خان کن سفاروکی دود
کوئٹہ، محکمہ تعلقاتِ عامہ بلوچستان کوئٹہ نا کنڈ آن حوالکاری سیکرٹری بلوچستان عمران خان نا شرف اٹی اونا بدلی نا وخت آ اسہ شرفمند ءُ سفاروکی دود اس اڈ ہلک، ہراٹی ڈائریکٹر جنرل تعلقاتِ عامہ عسکر خان، ڈائریکٹر تعلقاتِ عامہ سعید احمد شاہوانی و محکمہ نا افسر آک و کاریمیک بشخ ہلکر۔ دود انا وخت آ حوالکاری سیکرٹری عمران خان و ڈائریکٹر جنرل تعلقاتِ عامہ عسکر خان نا نیام اٹی جوان ءُ چاگڑد اسے ٹی گپ و تران مس، ہراٹی محکمہ نا جم کارکڑد، تین پہ تینی کمکاری، سرکاری باندات نا بھرمی سر تس و شعبہ اطلاعات و ابلاغ عامہ ءِ پین فعال و بھرمی جوڑ کننگ تون تعلقدار خیال آتیا درشانی کننگا۔ دا وخت آ ڈائریکٹر جنرل تعلقاتِ عامہ عسکر خان حوالکاری سیکرٹری عمران خان نا محکماتی خذمت، کسبی راہشونی، انتظامی کمک و محکمہ نا باندات آتیٹی است خواہی نا ستا ءِ کرسا پارے کہ اونا سرپرستی و راہشونی ٹی محکمہ چندی اہم باندات آتیٹی پیش رفت کرے۔