روچہ نا تو اٹ اُلس ءِ ریلیف تننگ کن جوان گام گیج کننگک‘ ڈی سی خضدار
Get real time updates directly on you device, subscribe now.
خضدار: ڈپٹی کمشنر خضدار نا خاص ءُ پارت و انجمن تاجران خضدار نا کمک اٹ مسجد روڈ جناح روڈ سیرت چوک تون اوار ایلو ہند آتیا دکان تیان پیشن اڑزان گڑاتا اسٹال و اوفتا نرخنامہ غاتے خلکنو۔ ہراڑے شاری تے اڑزان و مناسب قیمت آ کن خور نا گڑا بہا کننگ اٹی ءِ۔ تدوک آ دے ڈپٹی کمشنر خضدار میجر ریٹائرڈ محمد الیاس کبزئی ہندا دکان تا جاچ ءِ ہلک۔ ہراڑے شاری تیکن اڑزان کن خور نا گڑاتا اسٹال خلکوسر۔ نت، سی، برنج، دال، چا، بورہ، شربت نورس، الار، آچار تون اوار ایلو کن خور نا گڑاتا نہاد آتے کم کننگاسس۔ ڈپٹی کمشنر خضدار تون اوار اسسٹنٹ کمشنر خضدار محمد جان جمالدینی انجمن تاجران خضدار نا صدر حافظ حمید اللہ مینگل پی ایس ٹو ڈی سی مراد گزوزئی ایس ایچ او خضدار سٹی محمد جان ساسولی پولیس آفیسر عبداللہ پندرانی تون اوار ایلوفک ساڑی ئسر۔
(خ ن)