پر تیان مروک آ زہمی تیا کاریم کننگ نا بھاز گرج ءِ‘ منصور احمد قاضی

سبی : ڈپٹی کمشنر سبی منصور احمد قاضی نا کماشی ٹی اسہ بڑزکو کہولی دیوان اس اڈ ہلک ہراٹی پر و نوکاپ نا خطرہ غاتون مون تننگ کن جتا جتا ویل آتا جوان جاچ ءِ ہلکر۔ دیوان اٹ اسسٹنٹ کمشنر سبی علی شاہ عباسی، اسسٹنٹ کمشنر بختیارآباد کیپٹن ر اویس، ایگزیکٹو انجینئر ایریگیشن خادم حسین، چیف آفیسر میونسپل کمیٹی محب اللہ بلوچ تون اوار ایلو افسرک بشخ ہلکر۔ دیوان آن تران کرسا ڈپٹی کمشنر سبی منصور احمد قاضی پارینے کہ خدو نا بشام نا پر و نوکاپ نا بابت کل افسرک جوان چارہ کہ ہرا ہرا جاگہ غاتیا کاریم کننگ نا بھاز گرج ءِ۔ او پارینے کہ او کل ہند و بند آک ہرافتے نوکاپ بھاز زہمی کریسس۔

(خ ن)