پی سی بی نیشنل کرکٹ اسٹیڈیم ءِ بند کرے
Get real time updates directly on you device, subscribe now.
لاہور (مانیٹرنگ ڈیسک) پی سی بی نیشنل کرکٹ اکیڈمی ءِ بند کرے، کل برجا انگا پروگرامک معطل، کوچ آتے ہم چھٹی تننگا، اُرا غان ویڈیو لنک انا کمک اٹ معلومداری ترسا آخبت نا پروگرام تے مون آ اتنگک۔ کرونا وائرس نا سوب آن پی ایس ایل 5 نا سیمی فائنل و فائنل ءِ چٹفنگ آن پد قذافی اسٹیڈیم ٹی جوڑ مروک آ پی سی بی ہیڈکوارٹر ہم خالی ئس، بورڈ انا کنڈآن کل شار تیٹی ساڑی اسٹیڈیم تیٹی ہر وڑ نا سرگرمیک معطل ءُ، لاہور اٹ نیشنل کرکٹ اکیڈمی ءِ ہم بند کننگانے۔ حوال نا رداٹ کل برجا انگا پروگرام تے چٹفسا کوچ آتے چھٹی تننگانے، گوازی گرک کوچ آتا سلاہ ٹی تنہائی ٹی اُراتیٹی ٹریننگ کیرہ، کوچ آک اُراتیان ویڈیو لنک نا کمک اٹ معلومداری ایترہ، آخبت نا بابت پروگرام شون تننگک، یات سلے کہ پی سی بی ہیڈ کوارٹر تے 23مارچ اسکان بند تخنگ نا پڑو کننگانے، داسہ دا بابت اٹ پک فیصلہ متنے ولدا ہم گمان ہندا ارے کہ ملازم آتا چھٹی زیات کننگک، دا وخت اسکان میڈیا ہم المی آ کاریم تے اُرا تیٹی کننگ اٹی ءِ۔ مچ آ لاہور اٹ برجا انگا کلب ٹورنامنٹ مالو آن چٹفنگانے، کیہی گراو ¿نڈ آک بند ءُ۔