شرجیل داسکان کن ٹیم اٹ شاغنگ کن تیار اف‘ وقار یونس
Get real time updates directly on you device, subscribe now.
کراچی (مانیٹرنگ ڈیسک) پاکستان نا باولنگ کوچ وقار یونس ءِ شرجیل خان زوت اس قومی ٹیم اٹ پدی اتنگ کن تیار خننگپک۔ وقار یونس پارینے کہ شرجیل ءِ داسکان کن بھاز کاریم کننگ نا گرج ءِ۔ اودے بیرہ اسٹ یا 2 ڈائی نا بنداو آ ٹیم اٹ شاغنگپک۔ اودے تینا فٹنس آ خاص وڑ اٹ کاریم کروئی مریک۔ نن اودے فیلڈ اٹ ہراڑے ڈکھن۔ اینو پگہ فیلڈنگ بھاز زہم او خاص وڑ اٹ آسٹریلیا ٹی بھلا بھلا گراونڈ آتا سوب غان فیلڈنگ نا اہمیت ودک۔ او مستی پارے کہ پی ایس ایل آن پد شرجیل تون تینے فٹ کننگ کن بھاز وخت ساڑی ءِ۔