پنڈوک آتے دزگیر کرسا کانود نار دا ٹ جیل آ راہی کننگک،مہراللہ بادینی
شار انا چندی سگنل، چارچوک و ایلو اہم انگا ہند آتیا پنڈوک آ چنا و بھلا تا برخلاف بے فرق کارروائی کننگک
کوئٹہ، ڈپٹی کمشنر کوئٹہ مہراللہ بادینی نا کماشی ٹی کوئٹہ شار اٹی پنڈوک آتا برخلاف برجا کریک ڈاؤن ءِ پین بھرمی جوڑ کننگ نا رد اٹ اسہ دیوان اس اڈ ہلک، ہراٹی اسسٹنٹ کمشنر سٹی کوئٹہ امیر حمزہ، محکمہ سوشل ویلفیئر نا افسر پولیس نا نمائندہ غاک بشخ ہلکر۔ دیوان اٹی فیصلہ کننگا کہ شار انا جتا سگنل، چارچوک و ایلو اہم ہند آتیا پنڈوک آ چنا و ایلو بندغ آتا برخلاف بے فرق کارروائی تے ٹی پین ترندی اتنگک۔ ہر وڑ انا پنڈنگ نازموار آتے دزگیر کرسا کانود نا رِد اٹ جیل آ راہی کننگک۔ ڈپٹی کمشنر کوئٹہ پارت کرے کہ شار انا سگنل، شاہراہ وایلو علاقہ غاتیٹی پنڈنگ نا موکل تننگپک۔ دا رد اٹ ضلعی انتظامیہ، پولیس و محکمہ سوشل ویلفیئر اسیجائی وڑ اٹ ہڑدے نا بنداو آ کارروائی کیرہ و دا کارروائی تا باقاعدہ رپورٹ پیش کیرہ۔ دیوان اٹی دا ارادگی نا درشانی ءِ کننگا کہ کوئٹہ شار ءِ پنڈوک آتیان پاک کننگ کن کل تعلقدار ادارہ غاک تین پہ تینی کمکاری و گچین حکمت عملی نا رد اٹ تینا زمواری تے پورو کیرہ۔