پول انا تفنگ آن مظفر آباد نا الس ءِ ہن بر نا آسراتی ودی مریک،وزیراعظم محمد شہباز شریف

بنجائی حکومت آزاد جموں و کشمیر نا شونداری، شونہالی و الس ءِ گچین آسراتی تا فراوانی کن سنبرینگوک ءِ

0

Get real time updates directly on you device, subscribe now.

مظفرآباد، وزیراعظم محمد شہباز شریف پوسکن کروک رتھوعہ ہریام (Rathoa Haryam) پول نا تختی نا مون پاشی ءِ کرسا پول انا بناءِ کرے و پارے کہ پول انا تفنگ آن میرپور و ایب کیب انا علاقہ غاتا نیام اٹی ہن بر اٹی آسانی ودی مریک۔ پاکستان مسلم لیگ (ن) نا صدر میاں محمد نواز شریف، آزاد جموں و کشمیر نا صدر ڈاکٹر محمد نجیب نقی و آزاد جموں و کشمیر نا وزیراعظم سید افتخار علی گیلانی ہم دود اٹی بشخ ہلکر۔ وزیراعظم شہباز شریف دا وخت آ پارے کہ رتھوعہ ہریام پول انا پوروی ڈیہہ اٹی شونداری و شونہالی کن اہم ءُ مزل نا نشان اسے‘ پول انا تفنگ آن میرپور و ایب کیب انا علاقہ غاتا نیام اٹی ہن بر اٹی آسانی ودی مریک‘ او پارے کہ ڈٹ آن ہندی آبادی ءِ سفری آسراتیک دوئی مریرہ و علاقہ ٹی واپاری و زرگزرانی سرجز آتے شون رسینگک‘ بنجائی حکومت آزاد جموں و کشمیر نا شونداری، شونہالی و الس ءِ گچین آسراتی تا فراوانی کن سنبرینگوک ءِ‘ یات سلے کہ وزیراعظم محمد شہباز شریف و مسلم لیگ (ن) نا صدر محمد نواز شریف کشمیر نا دورہ غا ئسر، دا وخت آ اوفتتون صدر آزاد جموں و کشمیر ڈاکٹر محمد نجیب نقی خان و وزیراعظم آزاد جموں وکشمیر سید افتخار علی گیلانی اوڑدہی کریر، اوڑدہی ٹی آزاد جموں وکشمیر نا شونداری باندات و آزاد جموں و کشمیر اٹی گچین کاری تے ٹی کروک قول تیا عملدرآمد ءِ پک کننگ نا بابت گپ و تران کننگا۔ داکان بیدس آزاد جموں وکشمیر نا الس نا شونداری کن پنجاب حکومت نا فعال کڑد انا بابت ہم گپ وتران کننگا۔

Get real time updates directly on you device, subscribe now.

Leave A Reply

Your email address will not be published.