جنگ مس تو فوجی اڈہ غاتا رہی انا بجلی گھر تے شست کینہ، ایران
تہران، ایرانی پارلیمنٹ نا اسپیکر محمد باقر قالیباف خبردار کرسا پارینے کہ امریکہ و اسرائیل نا فوجی اڈہ غاتا خڑک ساڑی ڈیم و بجلی گھر تے ہم فوجی ہدف تکنگک۔ ایرانی پارلیمنٹ نا اسپیکر محمد باقر قالیباف امریکی اخبار نیویارک ٹائمز نا رپورٹ آ ردعمل ترسا پارے کہ نن نما منطق ءِ پورو و بے کنڈ ہلوک وڑ اٹ لاگو کینہ۔ باقر قالیباف پارے کہ امریکی یا اسرائیلی فوجی اڈہ نا خڑک آساڑی ہروڑ انا ڈیم، بندرگاہ، یا بجلی گھر ءِ اِرا وڑ انا کاریم اٹ اتوک تکنگک۔ یات سلے کہ امریکی اخبار نا رپورٹ اٹی تجزیہ کار تا حوالہ اٹ دا تاثر تننگاسس کہ ایران نا منہ ڈیم گمانی وڑ اٹ اونا میزائل جاگہ غاتا گرج آتے پورو کننگ کن تفنگانو و فوجی و شاری ہڑتوم آ مسخت آتے پورو کیرہ۔