پاک امریکہ تعلقداری تیکن پارلیمانی کمکاری المی ءِ،سردار ایاز
اسلام آباد، اسپیکر قومی اسمبلی سردار ایاز صادق پارینے کہ پاکستان و امریکہ نا نیام اٹ واپاری و زرگزرانی تعلقداری تے پین سوگو کننگ کن ہڑتوم آ ملک آتا واپاری برادری نا نیام اٹ رابطہ، تین پہ تینی کمکاری و پدریسہ گپ و تران بھاز اہمیت تخک۔ پاکستان اٹی جتاجتا بشخ آتیٹی واپاری و زرکاری نا بھلو وارخواہی ارے وخت اس کہ حکومت زرکار دوست پالیسی و سازگار واپاری چاگڑد نا فراوانی نا کمک اٹ زرگزرانی سرجز آتا شون اکن سنرینگوک ءِ۔ دا خیال آتا درشانی ءِ او پارلیمنٹ ہاؤس اسلام آباد اٹی امریکن بزنس کونسل نا ڈَل اتون اوڑدہی نا وخت آ کرے۔ اوڑدہی ٹی وزیر مملکت خزانہ بلال اظہر کیانی ہم ساڑی ئس۔ اسپیکر قومی اسمبلی ڈَل ءِ پارلیمنٹ ہاؤس آ بننگ آ بخیر کرسا پاک امریکہ واپاری و زرگزرانی تعلقداری تا شون اٹی واپاری برادری نا کڑد انا ستاءِ کرے۔