ڈپٹی کمشنر نصیرآباد وریندر لعل نا کماشی ٹی ڈی ڈی سی نا دیوان
نصیرآباد، ڈپٹی کمشنر نصیرآباد وریندر لعل نا کماشی ٹی ڈسٹرکٹ ڈویلپمنٹ کمیٹی نا اہم ءُ دیوان اس اڈ ہلک، ہراٹی ایگزیکٹو انجینئر (ایکسین) و محکمہ لوکل گورنمنٹ نا تعلقدار افسرآک بشخ ہلکر۔ دیوان نا وخت آ بلوچستان اسپیشل ڈویلپمنٹ انیشیٹو (BSDI) فیز ٹو و فیز تھری نا رد اٹ برجا‘ پورو مروک و تفوئی شونداری ڈٹ آتا پیشرفت نا جم جاچ ءِ ہلنگا۔ دا وخت آ تعلقدار افسرآک ڈپٹی کمشنر ءِ شونداری اسکیم، اوفتیا مروک کاریم، فنڈ انا کاریم اٹ اتنگ و تفوئی ریسہ غاتیا بریفنگ تسر۔ دیوان ءِ پاننگا کہ بلوچستان اسپیشل ڈویلپمنٹ انیشیٹو فیز ٹو نا رد اٹ منظور کروک کل شونداری اسکیمک سرسہبی اٹ پوروی اسکان سرکننگانو وخت اس کہ فیز تھری نا رد اٹ بنا کروک شونداری ڈٹ آتیا کساس 60 آن 70 درسَد اسکان کاریم پورو مسنے۔