احمد شاہ مسعود نا مار نا طالبان تا مشروط مخ تفی نا پڑو

لندن: اوغان راہشون احمد شاہ مسعود نا مار احمد مسعود طالبان تا مشروط مخ تفی نا پڑو ءِ کرسا پارے کہ طالبانک توفک نا زور آ نظریہ غاتے بیٹ کپس، تو اوفتتون مذاکرات کن تیار اُٹ۔ میڈیا رپورٹ نا رد اٹ اسہ انٹرویو سے ٹی اوغانستان نا ساڑی حالیت آ ہیت و گپ کرسا احمد مسعود نا پاننگ ئس کہ سوگو و تین پہ تینی کمک نا علاقائی ویل آتا ایسر آ باور کینہ۔ تینا باوہ غانبار ای ہم ہچ گہس درملکی واکدار آتا ڈکٹیشن ءِ منپرہ۔ اشرف غنی اوغان الس ءِ سکیورٹی و سیاسی سرکڑدہ فراوان کننگ اٹ بے سہب مس۔ اوغانستان ءِ پاکستان تون ایمانداری اٹ اسٹریٹجک شریداری نا گرج ءِ۔ پاکستان و اوغانستان ءِ سیاسی سوگوی و سلامتی کن اسہ ایلو تون اوار و ہم کوپہ مرسا کاریم کروئی تمک۔

(آن لائن)