ایران تینا دفاع و وتواجہی آ ہچ گہس سمجھوتہ کپک،اسماعیل بقائی

امریکہ سفارت کاری ءِ فوجی بیدادی ٹی بدل کننگ نا کوشست کرے‘ ایران تون اِرا وار دُرو کننگا

0

Get real time updates directly on you device, subscribe now.

تہران، ایرانی وزارت خارجہ نا ترجمان اسماعیل بقائی پارینے کہ بھاز آ ملک آک ایران آ جلہو تیکن تینا فضائی دنگ و ڈغار ءِ امریکہ ءِ کاریم اٹ اتنگ کن تسر‘ ہرانا کمک اٹ او ایرانی الس نا برخلاف امریکی جارحیت اٹ بشخ ہلکر۔ پریس بریفنگ ناوخت آ اسماعیل بقائی پارے کہ ہرا ملک آک امریکہ تون کمک کریر اوفتے ایران آن نسخان تے پورو کننگ نا خواست کننگ نا ہچ کانودی حق اف‘ بلکہ ہمو ملک آتے ایران نا نسخان تے پورو کروئی تمک۔ اوپارے کہ امریکا سفارت کاری ءِ فوجی بیدادی نا وڑ اٹ بدل کننگ نا کوشست کرے‘ ایران تون اِرا وار دُرو کننگا۔ ہندا سوب آن داسہ مذاکرات نا ہیت آ باور کننگ مفک۔ ایرانی ترجمان پیدوار کرینے کہ ایران تیناحق و وتواجہی آن دزکش مفک‘ نئے جنگ آن خلیک ونئے پین ملک اسے آ سیبو کیک۔ اسماعیل بقائی پارے کہ ایران تینا دفاع غان ہچ گہس دزکش مفک و ایران آ ہر وڑ انا جلہو نا فیصلہ کروک ورندی تننگک۔

Get real time updates directly on you device, subscribe now.

Leave A Reply

Your email address will not be published.