رائیونڈ جہانی تبلیغی اجتماع نا ارٹمیکو ریسہ گڈیکو دعا تون پورو

اللہ پاک ننا ہڑتوم آ جہان تا سرسہبی ءِ مچ آ دین اٹی تخانے؛ قبر ءِ روشنا کروک آ نماز ءِ‘پابندی ءِ تے کننگے

0

Get real time updates directly on you device, subscribe now.

رائیونڈ، جہانی تبلیغی اجتماع نا ارٹمیکو ریسہ خڑکہ‘ خسکہ و است ءِ خوڑت کروک دعا تون اوار ایسر مس۔ گڈیکو دعاءِ مولانا ابراہیم دیولہ آف انڈیا کرفے، دعا سہب انا 8 بجہ و 25 منٹ آ بنا کرے 9 بجہ و 45 منٹ آ چٹا۔ دعا ٹی پاکستان تون اوار مچ آ دنیا نا مظلوم و گٹ مروک مسلمان تیکن اللہ نا حضور خصوصی خواست کننگا‘ سہب انا نماز آن پد مولانا عبیداللہ خورشید تران کرسا پارے کہ ایلم آک امر بالمعروف و نہی عن المنکر ءِ کرسا کبو‘ دنیا و آخبت ٹی سرسہب مریرے‘ ہراتم امت دنیا نا رنگینی تے ٹی گار کرسا دنیا ءِ بھلو گڑا تکا تو اسلام نا ہیبت و شرف اونا است آتیاں کشنگک، و ہراتم امر بالمعروف و نہی عن المنکر ءِ یلہ کننگا تو وحی انا برکت آن محروم مریک‘ اللہ غان توبہ کرسا دنیا غان مون ہڑسسا اللہ تعالیٰ تون تعلقداری جوڑ کننگے، او بخشوک آ مہربان ءِ‘ دعوت و تبلیغ دین اتون گنڈنگ، مخلوق آن خالق نا کنڈ آ، مال آن اعمال نا کنڈ آ و دنیا غان آخبت نا کنڈ آ بٹنگ انگ ءِ‘ دعوت اللہ، تعلیم و تعظیم، ذکر و عبادت، اخلاق و اسوہ حسنہ نبوی کن امت نا ہر بندغ آن خواست کننگ انگ ءِ کہ اللہ پاک ننا ہڑتوم آ جہان تا سرسہبی ءِ مچ آ دین اٹی تخانے؛ قبر ءِ روشنا کروک آ اسہ تنیا نماز ءِ اودے پابندی اٹ ہلبو انشاء اللہ خیر مریک‘ تینے و تینا خلق خاہوت ءِ دین نا پابند جوڑ کبوو پردہ نا بست وبند ہر امتی آ فرض ءِ‘ اجتماع ٹی پوسکن بشخ ہلوک آ ہزار آ بندغ آک دعوت و تبلیغ اٹی وخت تننگ نا ارادگی کرسا چلہ خلنگ نا ارادگی کریر‘ ہزار آ بندغ آک تینا زند آتے دینِ اسلام نا شون اکن وقف کننگ نا ارادہ ہم کریر۔ دا رنگی آ راج اٹ اللہ و نبی ﷺ نا مشن ءِ است آن دریسر‘ دنیا نا رنگینی تیاں مون ہڑسسا تینا زند ءِ تبلیغی مشن نا پوروی ٹی گدریفرہ۔

Get real time updates directly on you device, subscribe now.

Leave A Reply

Your email address will not be published.