ایران نا بحرین اٹی امریکی بالی دفاعی ریڈار ءِ شست کننگ نا پڑو
تہران، ایران نا پاسدارانِ انقلاب خلیجی ملک بحرین اٹی امریکی عسکری اڈہ غا ڈرون جلہو نا پڑو ءِ کرینے۔ ایرانی کمامدار آتا رِد اٹ شش ڈرون تا کمک اٹ امریکی بالی دفاعی ریڈار ءِ شست کننگا، ہراکان پد بحرین نا دارالحکومت منامہ و ایب کیب انا علاقہ غاتیٹی دھماکہ غاتا توار مس و شاری تے رکھوک ہند آتیا گدریفنگ نا پارت کننگا۔ خبر رساں ادارہ رائٹرز و امریکی اخبار وال اسٹریٹ جرنل نا رِد اٹ دا جلہو یک شنبے نادے 15 نومبر 2026ء نا سہب آ کننگا۔ ایرانی سرکاری میڈیا پارے کہ پاسدارانِ انقلاب نا بالی فورس بحرین نا علاقہ الرفاع ٹی ساڑی ہیلی کاپٹر عسکری اڈہ غا امریکی بالی دفاعی ریڈار ءِ شست کننگ کن شش ڈرون خسا۔