پاکستان نا فلسطینی حکومت و الس ءِ مبارکبادی
اسلام آباد، پاکستان فلسطینی ریاست نا آجوئی نا پڑو نا 38 می سال دے آ فلسطین نا حکومت و الس ءِ مبارکبادی ترسا آجو و وتواجہ فلسطینی ریاست نا جوڑ کننگ کن تینا بدل مفروک مخ تفی نا ارادگی نا دوارگی ءِ کرینے‘ راجی پلیٹ فارم ایکس آ دفتر خارجہ نا کنڈ آن جاری مروک بیان نا رِد اٹ حکومت و پاکستانی الس دا اہم انگا وخت آ فلسطینی و اوفتا حکومت کن نیک انگا استخواہی تا درشانی ءِ کیرہ۔ دفتر خارجہ تینا کلہو اٹی پیدوار کرے کہ پاکستان فلسطینی الس نا حقِ خودارادیت نا مخ تفی آ سوگو سلیسنے۔ وزارتِ خارجہ نا کنڈ آن دا ہم پاننگا کہ پاکستان اسہ آجو و وتواجہ فلسطینی ریاست اس جوڑ کننگ نا تینا اصولی موقف آ سلوک ءِ۔