میجر عمر ناصر منہاس شہید و حوالدار محمد عدنان خان شہید نا نمازِ جنازہ خواننگا
راولپنڈی، بلوچستان نا ضلع نوشکے نا خڑک آ 14 نومبر 2026ء آ شہید مروک میجر عمر ناصر منہاس شہید و حوالدار محمد عدنان خان شہید نا نمازِ جنازہ ءِ چکلالہ گیریژن، راولپنڈی ٹی خواننگا۔ آئی ایس پی آر نا رِد اٹ نمازِ جنازہ ٹی وزیراعظم شہباز شریف، آرمی چیف و چیف آف ڈیفنس فورسز فیلڈ مارشل سید عاصم منیر، بنجائی وزیر حوالکاری و شینکاری، بھلا سول و عسکری کمامدار و شہید تا پدخاہوت آک بشخ ہلکر۔ آئی ایس پی آر نا رِد اٹ پاکستان نا سلہہ بند فوج و مچ آ قوم تینا شہید آتا بھلا قربانی ءِ خراجِ تحسین پیش کیک، اوفتا بہادری، است خواہی و مادرِ وطن تون بدل مفروک تعلقداری مدام گمر نا سوب مریک۔