تفوئی کاریم تا نزورآب مننگ گڑتی نا سوب ءِ، ڈپٹی کمشنر لورالائی
Get real time updates directly on you device, subscribe now.
لورالائی، ڈپٹی کمشنر لورالائی کیپٹن (ر) محمد حسیب شجاع یونیورسٹی آف لورالائی نا دورہ ءِ کرے، ہراڑے او بلوچستان اسکلز ڈویلپمنٹ انیشی ایٹو نا رد اٹ تفوک فٹسال گراؤنڈ نا جاچ ءِ ہلک‘ و ڈٹ انا رد اٹ سرتروک تفوئی کاریم، کاریم اٹ اتوک آ میٹریل و جم آب انا جاچ ءِ ہلک‘ جاچ انا وخت آ ڈپٹی کمشنر تفوئی کاریم نا منہ پالو و آب آ گڑتی نا درشانی ءِ کرسا تعلقدار ادارہ ءِ پارت کرے کہ ڈٹ انا کل تفوئی باندات آتا منظور مروک ڈیزائن، ٹیکنیکی تصریحات و پک کروک آب انا رِد اٹ خوڑتی اٹ جاست پاست کننگے۔ او پیدوار کرے کہ شونداری ڈٹ آتا پوروی بیرہ رسمی کارروائی اس آخا بلکہ اوفتا مدامگی، آب اٹ و السی گرج آتا ہمگرنچ مننگ بنداوی اہمیت تخک۔