چیئرمین بلوچستان ٹیکسٹ بک بورڈ انا کماشی ٹی جاچ دیوان
Get real time updates directly on you device, subscribe now.
کوئٹہ، چیئرمین بلوچستان ٹیکسٹ بک بورڈ ڈاکٹر گلاب خان خلجی نا کماشی ٹی اسہ جاچ دیوان اس اڈ ہلک، ہراٹی سردار بہادر خان ویمن یونیورسٹی نا ڈائریکٹر، ORIC (آفس آف ریسرچ، انوویشن اینڈ کمرشلائزیشن) نا ڈائریکٹر ڈاکٹر مہوش ملغانی، یونیورسٹی نا ایلو بڑزکو کہولی افسر و بلوچستان ٹیکسٹ بک بورڈ انا تعلقدار کمامدار آک بشخ ہلکر۔ دیوان اٹ سردار بہادر خان ویمن یونیورسٹی و بلوچستان ٹیکسٹ بک بورڈ انا نیام اٹی برجا اسیجائی پٹ و پولی پروگرام نا پیشرفت، سرسہبی و آخبت نا حکمت عملی نا جاچ ءِ ہلنگا۔ دا وخت آ چیئرمین ڈاکٹر گلاب خان خلجی پارے کہ دا پروگرام 30 اکتوبر 2026ء آ ایسر مس، ہراٹی انٹرن طالب علم آک درسی کتاب آتا جوڑجاڑ، نصابی مواد نا جوانی و تعلیمی گرج آتتون تعلقدار پٹ و پولی سرجز آتیٹی بشخ ہلکر و تینا پٹ و پولی رپورٹ آتے پیش کریر۔