پاکستان اٹی معدنی بشخ اٹی جہانی زرکاری نا بھلو وارخواہی ارے، جام کمال

اسلام آباد، بنجائی واپار وزیر جام کمال خان پارینے کہ پاکستان قدرتی معدنی وسیلہ تا تالان کوڑی تیاں شُپ ءِ و معدنی بشخ ملکی برآمد آتیٹی ودکی، درملکی زرکاری نا شون تننگ و زرگزرانی شونداری ٹی اہم کڑد ادا کننگ نا بود تخک۔ حکومت معدنی وسیلہ غاتے بھرمی وڑ اٹ کاریم اٹ اتنگ، جہانی زرکار آتے تینا کنڈ آ اتنگ و دا بشخ اٹی جہانی اواری ءِ شون تننگ کن گام گیج کننگ اٹی ءِ۔ بنجائی واپار وزیر تون جہانی توانائی و قدرتی وسیلہ غاتا سلابتی کمپنی ووڈ میکنزی نا ڈَل اوڑدہی کرے، ہراٹی پاکستان نا معدنی بشخ اٹی زرکاری نا وارخواہی، جہانی کمپنی تتون شریداری‘ پوسکن آ ٹیکنالوجی نا گدریفنگ و اسیجائی ڈٹ آتا گمان تیا جم گپ وتران کننگا۔