پوسکن آ صوبہ غاتا بابت السی سلاہ ءِ اولیت تننگک، بنجائی وزیر داخلہ

لاہور، وزیر داخلہ محسن نقوی پوسکن آ صوبہ غاتا جوڑ کننگ نا اہمیت و دا بابت السی ریفرنڈم نا گرج آ زور شاغسا پارینے کہ اگہ الس صوبہ جوڑ کننگ خواپک تو 100 درسد اوفتا سلاہ نا شرف ءِ کننگے۔ ننے دا منوئی تمک کہ ملک اٹی بھلا کہول آ وڈی خوری مننگ اٹی ءِ۔ حکومت وڈی خوری نا پورو چٹفنگ کن ہم گام گیج کننگ اٹی ءِ۔ لاہور اٹی این سی سی آئی اے نا دورہ نا وخت آ میڈیا تون ہیت وگپ کرسا او پارے کہ پارلیمنٹ اٹی ساڑی نن کل جمہوریت نا ہیت ءِ کینہ و پانہ کہ الس سپریم ءِ تو نا کل سیاسی جماعت آتیاں اسہ خواست اسےِ کہ او پوسکن آ صوبہ غاتا باندات آ ریفرنڈم کرفر، اگہ الس پاہک کہ صوبہ جوڑ مرے تو جوڑ کننگے‘ و اگہ الس دا حق اٹی اف تو ای ہم سَددرسَد اوفتتون اوار اُٹ داٹی ہچ ءُ بھلو ہیت اس اف۔