مستقل مزاجی ورنا تا روشنا آخبت نا بنداو مریک، ماہ نور برکت

گوادر، اورماڑہ، یومِ اقبال نا وخت آ اسسٹنٹ کمشنر اورماڑہ ڈاکٹر ماہ نور برکت انٹر کالج اورماڑہ اٹی اڈ ہلوک دود اٹ بشخ ہلک و طالب علم آتے تعلیم، نظم و ضبط و تینے آ پتداری نا کمک اٹ سرسہبی دوئی کننگ نا است بڈی کرے۔ دا وخت آ او علامہ اقبال نا فلسفہ خودی و شاہین نا چیدہ نا اہمیت آ روشنائی شاغا و ورنا تے بڑزکو ارادگی‘ جیرت‘ تینے آ پتداری و تینا لائخی تیا پت کننگ نا کلہو تس‘ او پارے کہ مستقل مزاجی، مثبت عادت و انفرادی زمواری نا احساس ورنا تا روشنا آخبت نا ٹہیفنگ اٹ بنداوی کڑد ادا کیرہ۔