ڈیرہ اللہ یار ڈرینیج ڈٹ علاقہ نا اولیکو میگا ڈٹ ءِ، میر سلیم کھوسہ

کوئٹہ، صوبائی وزیر مواصلات و تعمیرات میر سلیم احمد کھوسہ پارینے کہ ڈیرہ اللہ یار ڈرینیج ڈٹ علاقہ ٹی تینا وڑ انا اولیکو میگا ڈٹ اسے ہرانا پوروی آن ڈیرہ اللہ یار نا الس ءِ مون تروک دیر انا کشنگ نا متکن آ ویل ءِ مدامگی بنداو تیا ایسر کننگ اٹی کمک رسینگک‘ دا اہم ڈٹ انا وخت آ و آب اٹ پوروی حکومت نا اولیکو اولیت آتیٹی اوار ءِ۔ دا خیال آتا درشانی ءِ او ڈیرہ اللہ یار ڈرینیج ڈٹ آ پیشرفت نا جاچ ءِ ہلنگ کن اڈ ہلوک دیوان آن تران کرسا کرے۔ دیوان اٹی پارلیمانی سیکرٹری ایس اینڈ جی اے ڈی عبدالمجید بادینی، سیکرٹری مواصلات و تعمیرات بابر خان، چیف انجینئر نصیرآباد زون محمد بشیر ناصر، چیف انجینئر فیڈرل پروجیکٹس ڈاکٹر سجاد بلوچ، ٹیکنیکل ایڈوائزر احسان اللہ دوتانی تون اوار ایلو تعلقدار کمامدار و کنسلٹنٹس زوم انا کمک اٹ بشخ ہلکر۔