تجاوزات آتا ایسری کن گام گیج کننگک‘ منیر درانی
Get real time updates directly on you device, subscribe now.
قلات: ڈپٹی کمشنرقلات منیراحمددرانی نا کماشی ٹی بشام نا گمانی پر و نوکاپ نا بابت زاوہ جل انا خڑک آ تجاوزات آتا ایسری نا بابت دیوان اس اڈ ہلک۔ دیوان اٹ ایس ڈی او ایریکیشن عبدلباسط لانگو ریاض احمد و ایلوفک بشخ ہلکر۔ دیوان اٹ زاوہ ندی تجاوزات و اوفتا ایسری نا بابت ہیت وگپ کننگا۔ ڈپٹی کمشنر ایس ڈی او ایریگیشن ءِ ترندی اٹ پارت کرسا پارینے کہ اُلس ءِ ہچ ءُُ جانی و مالی نسخان اسے آن بچفنگ کن زاوہ جل اٹ محلہ مغلزئی، شیشہ ڈغار و زاوہ نا ہیب کیب آن تجاوزات آتا ایسری ءِ کننگے تانکہ جل انا دیر بیدس اڑاند آن گدرینگے۔ ہر وڑ نا ہنگامی حالیت آتون مون تننگ کن ضلعی انتظامیہ قلات تیارءِ۔
(آن لائن)