قبائلی راہشون سردار منظور حسنی نا کماشی ٹی 12 سال نا خون انا خیر مس

چاغی: قبائلی راہشون سردار منظور جان حسنی نا کماشی و خیرخواہی ٹی خون اسے نا خیر مس۔ 12سال مست انا مسہ خون انا ویل آک ئسر۔ ہرافتا بندغ آک خلنگاسر اوفتا وارث آتا اُست آتیٹی دا شک آک ودی مسرہ، اوفتا نیام اٹ 12 سینزدہ سال مست انا ارا مسہ پین ویل ہم ئسر۔ الحمدللہ 12 سال آن پد قبائلی راہشون سردار منظورمحمد حسنی نا کماشی ٹی بطورخیر خواہی خیر و راضی نامہ کننگانے۔ خاص اللہ پاک نا رضاکن فیصلہ و خیر کننگانے۔ ہڑتوم آ فریق آتے چھتر نا ہندی ءُُ مدرسہ اسے ٹی اتنگا دہ جولائی آ خون انا خیر و جھیڑہ ءِ ایسر کننگا۔ ہڑتوم آ فریق آک فیصلہ نا اختیار سردار منظور جان حسنی ءِ تسر وخت اس کہ خیر خواہی ٹی علما کرام مولانا صالح محمد حسنی مولانا عنایت اللہ مولانا عبدالوہاب میر عظمت حسنی حاجی میر احمد حسنی ثنا اللہ حسنی حاجی علی اکبر محمد رمضان حسنی حاجی عبدالرحمن لعل محمد میر مہر اللہ حسنی میر عثمان حسنی جان محمد حسنی وخت اس کہ فریق آتیٹی محمد نور حسنی و پارہ دین حسنی نا بندغ آک ہم اوار ئسر و ایلو قبائلی بندغ آک ہم بشخ ہلکر وخت اس کہ ہڑتوم آ فریق آتے خاص اللہ پاک نا رضا کن ہر وخت کن راضی کننگانے و اسہ ایلو تون خوش کننگانے دا فیصلہ غا علاقہ نا اُلسی تپہ غاک سردار منظور احمد حسنی و علما کرام ءِ خراج تحسین پیش کرینے و فیصلہ ءِ جوان کرینے۔

(آن لائن)