انجمن تاجران نا کنڈ آن بی این پی نا 14 جولائی نا ہڑتال نا مخ تفی نا پڑو
Get real time updates directly on you device, subscribe now.
کوئٹہ: بلوچستان نیشنل پارٹی نا ڈل بنجائی ڈپٹی سیکرٹری جنرل و پارلیمانی لیڈر ایم پی اے ملک نصیر شاہوانی نا کماشی ٹی انجمن تاجران بلوچستان رجسٹرڈ نا دفتر لیاقت بازار اٹ صدر رحیم آغا تون اوڑدہی کرے۔ ڈل اٹ سینٹرل ایگزیکٹو کمیٹی نا باسک ضلعی صدر غلام نبی مری، ضلعی سینئر نائب صدر ایڈووکیٹ طاہر شاہوانی، ضلعی ڈپٹی جنرل سیکرٹری ڈاکٹر علی احمد قمبرانی، ملک رفیق شاہوانی، حاجی اسحاق بنگلزئی اوار ئس او وخت آ انجمن تاجران بلوچستان رجسٹرڈ نا قائم مقام جنرل سیکرٹری ولی افغان، نائب صدر سید حیدر آغا، انجمن تاجران سریاب زون نا صدر سردار سجاد شاہوانی، چیئرمین ملک محمد حسین شاہوانی، سید رشید آغا، دانش محمد شہی و ایلو کمامدار آک ساڑی ئسر۔ بی این پی نا ڈل انجمن تاجران بلوچستان رجسٹرڈ نا صدر رحیم آغا و ایلو کمامدار آتیان بی این پی نا کنڈآن 14 جولائی مروک آ شٹرڈان ہڑتال نا مخ تفی نا خواست کرے او وخت آ انجمن تاجران بلوچستان رجسٹرڈ نا صدر رحیم آغا، قائم مقام جنرل سیکرٹری ولی افغان و ایلو کمامدار آک بی این پی مینگل نا ڈل ءِ انجمن تاجران بلوچستان رجسٹرڈ نا دفتر آ بننگ آ خوش آمدید پارسا پارینے کہ بلوچستان نا کل سیاسی و مذہبی جماعت و اوفتا کماش آک ننکن قابل احترام ءُُ ننا دعا ءِ کہ اللہ تعالی بلوچستان ءِ امن انا ہند اس جوڑ کے نن بلوچستان نیشنل پارٹی نا کنڈآن 14 جولائی آ شٹرڈان ہڑتال نا مخ تفی نا پڑو ءِ کینہ و مچ آ صوبہ ٹی واپار برادری آن خواست کینہ کہ اینو تینا کاروبار ءِ بند کیر۔
(آن لائن)