دیکی بائی پاس آ کاریم تا اڑاند آتے زُو مر کننگے، سہیل بلوچ
Get real time updates directly on you device, subscribe now.
کوئٹہ : کمشنر کوئٹہ ڈویژن سہیل الرحمن بلوچ نا کماشی ٹی دے کی بائی پاس NH-25 آ یوٹیلیٹی لین تا گدریفنگ و سڑک نا جوڑ کننگ نابابت اڑاند آتے چٹفنگ کن جاچ دیوان اڈ ہلک‘دیوان اٹ ایڈیشنل ڈپٹی کمشنر کوئٹہ جنرل انور کاکڑ، اسسٹنٹ کمشنر پولیٹیکل کوئٹہ بابر خان تون اوار سوئی سدرن گیس کمپنی،کیسکو و این ایچ اے نا افسر آک ساڑی ئسر۔ دیوان اٹ دیکی بائی پاس پروجیکٹ آ کاریم نا پیش رفت وایلو امور تا جم وڑ اٹ جاچ ءِ ہلنگا‘د یوان اٹ کوئٹہ ڈویژن سہیل الرحمن بلوچ این ایچ اے نا سستی آ ترند مرسا پارے کہ پروجیکٹ نا تیناوخت آ پورو کننگ اٹ اڑاند آک ءُ ہراٹی تعلقدار محکمہ غاتا نیام اٹ کوآرڈینیشن نا کاختی ءِ‘ انتظامیہ اوفتتون پبی کمک کننگ اٹی ءِ‘ پروجیکٹ تون اوار ہرا ایلو پروجیکٹ آک سریاب روڈ، سبزل روڈ و دے ٹکی بائی پاس نا ڈٹ آک اوار ءُ اوفتا پورو کننگ وچاروکی کن ارا خصوصی مجسٹریٹ تعینات کننگانے تاکہ کاریم اٹ اسہ جاگہ اس ہم و ہچ ءُ اڑاند اس مف و مجسٹریٹ و انتظامیہ اواری اٹ اڑاند آتے دمدستی ایسر کیر۔
(خ ن)