بلوچستان حکومت نیاڑی تا رکھ انا ایکٹ ءِ منظورکرینے، نور جہان مینگل

کوئٹہ: صوبائی زالبول محتسب بلوچستان نورجہان مینگل پارینے کہ بلوچستان نا مخلوق ءِ کاریم نا ہند آتیا پرامن و زیزاریفنگ آن پاک چاگڑد فراوان کننگ کن حکومت بلوچستان بلوچستان پروٹیکشن اگینسٹ ہراسمنٹ آف وومن ایٹورک پلیس ایکٹ2016 منظور کرینے ہراکان گڈ نیاڑی یا نرینہ زیزاریفنگ نا غاو تے درج کرفنگ کیرہ‘ داہیت آتے او خضدار اٹ اینٹی ہراسمنٹ کمیٹی سیل انا دیوان آن تران کرسا کرے‘ دیوان اٹ اے ڈی سی خضدارسراج احمد، صوبائی محتسب انسداد ہراسمنٹ ڈیپارٹمنٹ نا میراحمد نواز مری تون اوارایلوفک ساڑی ئسر‘ او پارے کہ سیکشن (3(1ایکٹ آف وومن پروٹیکشن اگینسٹ ہراسمنٹ 2016ء ءِ صوبائی اسمبلی پاس کریسس‘ 16جنوری 2016ء آ گورنر بلوچستان باقاعدہ دا ایکٹ آ دستخط کرے دا ایکٹ بلوچستان نا کل ڈیپارٹمنٹ و نان گورنمنٹ آرگنائزیشن، پرائیویٹ آرگنائزیشن ٹی لاگو مریک او پارے کہ کاریم نا ہند آ نیاڑی و نرینہ سے زیزاریفنگ نئے بیرہ اونا وقار کن گڑتی اسے بلکہ اونا کسب و کیرئیر ءِ ہم زہمی کننگ کیک۔

(آ ن لائن)